LAOAG CITY – Inrakurak ti Department of Labor and Employment (DOLE) a ti panagngato ti unemployment rate iti 5.8 percent idi Enero 2026 ket gapu ta naglippasen ti temporario a trabaho dagiti mangmangged kagiddan iti panaglippas ti holiday season.
Basar iti Department of Labor and Employment, daytoy ket kas sungbat iti kaudian a survey ti Philippine Statistics Authority wenno ti January 2026 Labor Force Survey no sadinno a ngimmato ti unemployment rate.
Iti nasao a survey, bimmaba ti employment rate iti 47.94 million idi Enero 2026 manipud iti 48.49 million idi Enero 2025 idinto a ngimmato ti unemployment manipud iti 2.17 million iti 2.96 million wenno 4.3 percent a ngimmato iti 5.8 percent.
Basar iti Department of Labor and Employment, maipakpakita ti pakabuklan a panagbaba iti 1.489 million employment manipud idi Disiembre 2025 agingga iti Enero 2026.
