LAOAG CITY – Bimmisita ni Chinese Ambassador Jing Quan iti lokal a gobierno ditoy siudad ti Laoag.
Segun ken ni Mayor James Bryan Alcid, ti kangrunaan a napagsasaritaanda ket ti panagpadur-as ti turismo kas ti pannakaisubli ti direct flights manipud idiay China nga agturong iti Laoag International Airport, suporta ti ekonomia pakairamanan ti agrikultura, negosio ken nagduduma pay a pagsayaatan.
Inbatadna nga ad-adda manen a napatibker ti relasion ti embahada ti China ken iti siudad para iti ad-adu pay a programa ti panagdur-as.
Kunana nga adda pay ti panangaprisiar ti Ambassador iti panangpatalinaed ti siudad dagiti historical structure kas ti city hall ken ti kinadalus iti aglawlaw.
