LAOAG CITY – Inbilin ni United States President Donald Trump ti pannakai-deploy dagiti Immigration Customs Enforcement (ICE) agents kadagiti eropuerto.
Indauloan daytoy ni border czar Tom Homan no sadinno a tulunganda dagiti Transportation Security Administration officers.
Inlawlawagna nga awan ti aniaman nga ammona wenno padas nga ar-aramiden dagiti Transportation Security Administration.
Ti addang ket maysa nga aldaw kalpasan ti panagpangta ni Trump nga agiwaras ti Immigration Customs Enforcement agents no bilang saan nga aprobaran dagiti agpanpanday linteg ti pundo para iti Department of Homeland Security.
Agresulta daytoy iti at-atiddog a pila kadagiti kangrunaan nga eropuerto idiay Estados Unidos.
Nangiwayat ti tignay protesta ti sumagmamano a mangmangged ti eropuerto ken sumagmamano a residente no sadinno a nangiwayat dagitoy ti donation drive para kadagiti Transportation Security Administration staff nga agtrabtrabaho nga awan ti sueldoda.
