LAOAG CITY – Umabot iti 32 a bangkay a kaadoan ket ubbing ti nakali manipod iti mass grave iti ili ti Kericho iti western Kenya.
Naipatungpal ti panagkali iti lugar kalpasan nga inbilin ti korte tapno maala dagiti 14 a bangkay a mapapati a naikal, ngem saan a ninamnama dagiti otoridad nga ad-ado pay dagiti marekobre da.
Segun ken ni Government pathologist Richard Njoroge, naduktalan da nga adda ti naikali a bangkay iti lugar a naikabil iti gunny bags kalpasan ti napigsa a tudo.
Manamnama a mairugi a dagus ti post-mortem examination tapno mabigbig dagiti bangkay.
Iti agdama, naiget ti isaysayangkat nga imbestigasyon dagiti otoridad tapno maamoan no ania ti nakatayan dagiti bangkay a nakali manipod iti mass grave iti nadakamat a lugar.
