LAOAG CITY – Kumpiansa ti Bureau of Internal Revenue (BIR) a magun-odda ti target collection ita a tawen iti baet nga adda ti mapaspasaran a krisis idiay Middle East.
Basar iti Bureau of Internal Revenue, iti umuna a dua a bulan pay laeng ti tawen 2026 ket umaboten iti sumurok P530.05 bilyon ti nakolektarda a biruk.
Nangatngato daytoy iti target-da a P2.2-B a net of tax refunds.
Inpannakkel ti Bureau of Internal Revenue a nangatngato pay ti nasao a nakolektarda iti umuna a dua a bulan ti tawen maidasig iti kapada a bulan idi 2025.
Nagun-odda daytoy iti suporta manipud iti national development kabayatan a protprotektaran ti karebbengan dagiti taxpayers.
Maipalagip a saanen a siningir ti value-added tax (VAT) ti Bureau of Internal Revenue dagiti indigenous natural gas ken sumagmamano a power generation transaction.
