LAOAG CITY – Pormalen a nangipila ti reklamo ni Mr. Reynold Villegas ken ni dati a Barangay Chairman Dan Toledanes ti Barangay 2 ditoy siudad ti Laoag kalpasan ti panangkabkabilda kenkuana.
Segun ken ni P/Col. Joemar Labiano, Provincial Director ti Ilocos Norte Police Provincial Office, personal a nagturong dagiti kameng ti Laoag City Police Station iti lugar nga ayan ita ni Villegas tapno maalaan daytoy ti salaysay ken affidavit of complaint maipanggep iti insidente a napasamak kenkuana idi tawen 2025.
Inbatadna a nagyaman ti kapulisan ken ni Villegas gapu ta nakikoordinar daytoy a naimbag kadakuada para iti pannakaiproseso iti pannakaipila ti reklamo kontra iti dati a Kapitan.
Maipalagip a basar iti exclusive interview ti Bombo Radyo Laoag ken ni Villegas ket ditoy nga inpettengna a desidido daytoy a mangipila ti reklamo kontra iti dati a Kapitan.
Immuna iti daytoy, insigida nga inbilin ni Mayor James Bryan Alcid ti Philippine National Police nga imbestigarenda ti viral video ni dati a Barangay Chairman Dan Toledanes ti Barangay 2 ditoy siudad ti Laoag a pakabuyaan ti maipagarup a panangkabkabilna iti dua nga empleadona.
