LAOAG CITY – Nagballigi ti naiyuswat a panagsanay maipanggep iti Social Welfare and Social Protection laws ditoy ciudad ti Laoag.
Daytoy ti inpakaammo ni Miss Mary Joan Pasigui , ti Focal person ti Local Committee against Trafficking-Violence against Women and their Children iti gobierno lokal ditoy ciudad.
Kunana a naipaadal kadagiti Barangay Officials ken Violence Against Women (VAW) Desk ti barangay dagiti linteg a mangprotehir kadagiti babbai ken ubbing ditoy ciudad ti Laog.
Segun kenkuana, iti babaen ti Social Welfare ken Social Protection Laws, maammoan dagiti linteg ken no ania dagiti rumbeng nga aramiden ti barangay no adda dagiti kastoy a sitwasion.
Inbatad na ti naiyuswat a panagsanay ket nagbibinnuligan ti lokal a gobierno ditoy ciudad babaen ti City Social Welfare and Development Office, Public Attorney’s Office ken City Prosecutor’s Office a nagserbi a lecturer iti nasao a training.
