LAOAG CITY – Inrakurak ni Gov. Cecilia Araneta Marcos a nakaisubmitiren ti sumagmamano a Tricycle Operators and Drivers’ Association wenno TODA ditoy probinsia ti nagan dagiti miembroda iti Land Transportation Franchising and Regulatory Board para iti fuel subsidy.
Segun kenkuana, nadutokan ti Department of Social Welfare and Development nga isu met ti mangipaay ti nasao a tulong kadagiti maseknan a drivers.
Malaksid iti daytoy, kuna ni Gov. Marcos nga adda ti maipaay a tulong para kadagiti mannalon ken mangngalap nga apektado met iti krisis iti langis.
Kabayatanna, inpakaammona a kabaelan nga agsuplay ti Bagsakan Center ti sumagmamano a fast food chain ti sibuyas.
