LAOAG CITY – Nangiyuswat ti Bangladesh ti emergency vaccination campaign kalpasan ti alisto a panagwaras ti kamuras nga isu t maitudtudo a nakatayan ti nasurok a 100 a tattao a kaadoan ket ubbing iti nadakamat a pagilian.
Naipatungpal ti kampanya nangrugi idi domingo, Abril 5 kalpasan a nairekord ti nasurok a 7,500 a kaso ti kamuras sipud idi Marso 15 ita a tawen.
Nasurok met a 900 a kaso ti nakumpirmaran iti umuna a tallo a bolan ita a 2026, nangatngato no ikompara iti nairekord a 125 iti isu metlaeng a panawen idi 2025.
Inbatad ni Rana Flowers, ti INICEF representative iti Bangladesh a ti panagpabakuna ti pundasyon tapno mailiklik dagiti ubbing iti peggad para iti salun-at.
