LAOAG CITY – Ngimmato ti inventory ti bagas iti Pilipinas ita a bulan ti Marso.
Iti updated report nga inruar ti Philippine Statistics Authority (PSA), immabot iti 1.88 million metric tons ti pakabuklan nga stock ti bagas iti intero a pagilian iti nasao a bulan.
Nangatngato daytoy ti 16.5% maidasig iti rice inventory idi Marso 2025 nga umabot laeng iti 1.61 million metric tons.
Dakkel a paset a ngimmato nga stock ket manipud iti National Food Authority (NFA).
Ngimmato ti stock ti ahensia kadagiti bodega daytoy ti agarup 35%.
Ngimmato ti 15.9% ti stock ti bagas iti household idinto a 6.9% met ti nagngatoan dagiti imbentario manipud iti commercial sector.
Iti baet daytoy, rumrummuar ti stock ti bagas iti pagilian iti nasao a bulan ket nababbaba ti 11.1% maidasig iti imbentario iti sinarunona a bulan.
