LAOAG CITY – Linukatan ti gobierno probinsial ti Laguna ti kaunaan daytoy a chemotherapy center idiay Laguna Medical Center idiay Santa Cruz kas addang tapno mapalawa ti access iti ospital dagiti pasiente nga addaan ti cancer iti probinsia.
Iti maysa a rakurak, kuna ni Provincial Information Officer Danilo Lucas a mangididiaya ti pasilidad ti libre a serbisio para kadagiti kualipikado a pasiente kas pammaneknek ti panangitandudo ti gobierno probinsial ti inclusive healthcare.
Inbatadna a makaawat dagiti pasiente ti libre a kagudua a kaban ti bagas tapno makatulong iti inaldaw-aldaw a kasapulan kabayatan a dumaldalan iti ospital ken agpapaimbag.
Inlawlawagna a tapno makapag-avail ti serbisio, masapul nga agparehistro dagiti pasiente iti Provincial Health Office ken mangala ti appointment iti maysa nga oncologist para iti assessment ken treatment planning.
Ti proyekto ket naipatungpal iti babaen ti panagtitinnulong ti Provincial Health Office, Laguna Health Team ken We Hope Medical Group.
