LAOAG CITY – Inkeddeng ti nasapsapa inton sumaruno a bulan ti Commission on Elections (Comelec) ti dua nga aldaw a panangipila ti Certificate of Candidacy (COC) para iti District Representatives para iti September 14 Bangsamoro Autonomous Region in Muslim Mindanao (BARMM) Parliamentary Elections (BPE).
Basar iti calendar of activities para iti kaunaan a Bangsamoro Autonomous Region in Muslim Mindanao (BARMM) Parliamentary Elections, ti filing ti Certificate of Candidacy ket naikeddeng manipud Mayo 5 agingga Mayo 9.
Malaksid iti Certificate of Candidacy, naikeddeng ti poll body, iti kapada a petsa, ti panangipasa ti listaan dagiti nominado pakairamanan dagiti Certificates of Acceptance and Nomination ken affidavits of non-affinity for regional parliamentary political parties and coalitions dagitoy.
Mangrugi ti panawen ti eleksion inton Hulio 16 agingga Setiembre 29.
Iti nasao a panawen, maipawil ti panangitugot kadagiti paltog.
Mapawilan pay dagiti kandidato ti panagusar kadagiti security personnel wenno bodyguard malaksid no adda ti pammalubos ti Komision.
Maipawil iti panawen ti eleksion ti panagbalbaliw ti teritorio ti maysa a presinto wenno panangipatakder kadagiti baro a presinto; panangiyakar wenno detalye dagiti opisial ken empleado ti serbisio sibil; organisasion wenno panagpatalinaed dagiti puersa ti reaksion, puersa ti welga, wenno kapada ti puersa; panangsuspenso dagiti elective, provincial, city, municipal wenno barangay officers nga awan ti pakpakauna a panangaprobar ti Commission on Elections; ken ti iligal a panangwaya-waya kadagiti balud.
Mapalubosan dagiti kandidato nga ilungalong dagiti kandidaturada iti panawen ti kampania.
