LAOAG CITY – Pormalen a nalukatan iti publiko ti Alisto Sarabo Tourist and Pasalubong Center a masarakan iti Aurora Park ditoy siudad ti Laoag.
Segun ken ni Mrs. Mary Jane Leaño, Officer in Charge ti City Tourism Office, daytoy a ganuat ket makatulong ditoy siudad ti Laoag tapno ad-adda manen a dumur-as ti turismo.
Inbatadna a masarakan ditoy dagiti nagduduma a produkto ti Laoag kas ti suka, cassava chips, dagiti produkto a naaramid iti kawayan ken dadduma pay.
Inlawlawagna a babaen iti daytoy a programa ket matulungan dagiti umili ditoy siudad iti nayon a pamastrekda ken maitandudo dagiti kabukbukudan a produkto ditoy siudad ti Laoag.
Innayonna a gapu kadagiti napipintas a programa iti benneg ti turismo ket ad-adu pay dagiti turista ken gangannaet ti magutigot nga agturong ditoy siudad ti Laoag.
