LAOAG CITY – Inbutaktak ni Brgy. Chairman Manuelito Aguto a saan a maipakpakaammo kenkuana no adda dagiti maibunong nga ayuda manipod iti gobierno lokal iti Brgy. Sto. Santiago iti ili ti Sarrat.
Kunana a ti umuna latta a makaammo ket ni Konsehal Jill Aguilar kadwa na ti dua pay a kagawad nga isuda Wilbert Calamayan ken Alfonso Gamet.
Inrakurak na a sipud nagtugaw kas ama ti barangay idi Hulyo 2025 ket awan pulos ti panangipakada da kenkuana no adda ti maibunong a tulong wenno ayuda kadagiti kabarangayan na.
Karaman kadagiti ayuda a maibunbunong iti barangay da ket ti Ayuda para sa Kapos ang Kita Program (AKAP), Assistance to Individuals in Crisis Situation (AICs), ken Tulong Panghanapbuhay sa Ating Disadvantaged/Displaced Workers (TUPAD).
Saan met a masinunuo ti kapitan no ania ti rason ti saan da a panangipakpakaammo kenkuana, ngem adda dagiti sayangguseng a ni barangay kagawad Aguilar ket adda ti plano na nga agpaidasig a para iti Barangay ken Sang Kabataang Elections.
Iti baet daytoy, inpasingked ni Kapitan Aguto a ti latta prayoridad na iti agdama ket ti pagsayaatan dagiti kabarangayan na.
