LAOAG CITY – Innem a tattao ti natay kalpasan a nagpalto-paltog ti maysa a lalaki iti ciudad ti Kyiv idiay Ukraine.
Malaksid kadagiti natay ket adda pay ti sumagmamano nga indibdual a nasugatan iti insidente a napasamak iti southern Holosiivskyi district.
Segun ken ni Ukrainian Interior Minister Ihor Klymenko, ti suspek a residente metlaeng iti lugar ket rinugyan na ti nangpalto-paltog kadagiti tattao iti kalsada kalpasan na ket hinostage na dagiti dadduma iti asideg ti supermarket.
Inpakaammo ni Klymenko a napatay dagiti otoridad ti suspek kalpasan a nakilaban kadakuada.
Agpapan ita ket saan pay a nalawag no ania ti motibo ti suspek iti nasao a pasamak.
