LAOAG CITY – Simple laeng ti panagfiesta iti ili ti Badoc a maiyuswat intono Abril 26-27 ita a tawen.
Daytoy ti inbatad ni Mayor Virgilio Calajate iti ili ti Badoc.
Segun kenkuana, maiyuswat koman ti dua nga aldaw a fiesta da mangrugi ita nga aldaw ti Lunes, Abril 20 ngem gapu ta saan da pay a naan-anay a nakasagana ket intantan da daytoy intono Abril 26-27.
Inlawlawag na a ti simple a panagfiesta da ket paset ti panangsurot iti pammilin ni Presidente Ferdinand Marcos Jr. iti kallabes a kasapulan ti naan-anay a panaginot ti kuryente gapu iti mapaspasaran nga oil crisis a gubuay ti mapaspasamak a tension iti Middle East.
Inpakaammo ti mayor nga awan ti maiyuswat a parada ngem adda ti maipatungpal nga street dance kas paset ti panagfiesta da.
Innayon na a karaman kadagiti maiyuswat nga aktibidad ket ti Farmers Day ken dagiti simple laeng a programa tapno maliklikan ti panagusar ti ado a kuryente.
