LAOAG CITY – Nangipaay ti agduma a rakurak ni US President Donald Trump maipanggep iti gubat ti Amerika ken Iran, kabayatan nga umas-asideg ti panagleppas ti 14-day ceasefire.
Inbatad na a saan nga agdardaras iti panangsolbar ti gubat ngem possible paylaeng ti baro a negosasyon iti Pakistan.
Segun ken ni Trump, possible a mangipatulod paylaeng ti US team para iti talks, uray agkedked ti Iran agingga a saan a mabalbaliwan ti posisyon ti Washington.
Nagballaag met a possible a kumaro ti sitwasyon no awan ti katulagan.
Inpetteng met ti Iran a saan da a makapagsasarita iti babaen ti pangta ken inakusaran ti Estados Unidos ti saan a panangtungpal iti saritaan a ceasefire.
Nagtalinaed ti nakaro a tensyon iti Strait of Hormuz.
Iti baet daytoy, nagtalinaed a nalidem no agtungpal iti baro a peace talks wenno naan-anay a pagbagsak ti ceasefire.
