LAOAG CITY – Maidiaya ti P20 iti kada kilo ti bagas tunggal maiyuswat ti programa a Kadiwa ng Pangulo iti kada 15 agingga 16 ken 30 agingga 31 ti binulan iti siudad ti Batac.
Segun ken ni Mayor Markee Chua, daytoy a paset ti programa ket maipangpangruna dagiti solo parent, person with disability ken senior citizen a mabalin a makagatang agingga iti 20 a kilo ti bagas.
Nupay kasta, mabalin a makagatang dagiti saan a prioridad ngem malimitaran agingga iti 10 a kilo laeng.
Innayonna pay a daytoy ket para kadagiti residente ti nasao a siudad nupay mabalin a makagatang dagiti taga sabali a lugar ken mabalin a makikoordinar dagitoy iti Local Government Unit kadagiti ahensia a maseknan tapno makagatangda met ti P20 iti kada kilo ti bagas iti lugarda.
