LAOAG CITY – Inrakurak ni Senate President Vicente “Tito” Sotto III a masapol a tungpalen ni Senador Ronald “Bato” dela Rosa dagiti panawagan a saanna nga alaen ti sweldo ken dagiti allowance na gapu ta nabayagen a saan a sumsumrek iti senado.
Inulit ni Sotto ti inlungalong na iti senador a nasuruken a lia a bolan a saan a nakitkita iti senado, kalpasan ti kapada a panawagan nga inaramid ni Ethics committee chair Senator JV Ejercito.
Maipalagip nga immuna nga inrakurak ni Ejercito a mabalin a pagibasaran tapno maibasura ti ethics complaint kontra ken ni dela Rosa no boluntaryo a saanna nga alaen ti sweldo ken dagiti allowance na.
Saanen a nagpakita pay iti publiko ni dela Rosa ken saan metten nga agat-atendar iti sesyon ken dagiti panagtitipon iti senado sipud pay idi Nobyembre 2025.
Napasamak daytoy sipud rimuar ti report nga addan ti maipagarop nga arrest warrant nga inparuk-at ti International Criminal Court (ICC) kontra kenkuana mainaig iti maipagarop a partisipasyon na iti kontrobersyal a war on drugs campaign ti rehimen ni dati a Presidente Rodrigo Duterte, nga agdama a nakabalud iti ICC.
Ni dela Rosa ti hepe ti Philippine National Police idi naipatungpal ti kampanya ni Duterte kontra iti ilegal a droga.
