LAOAG CITY – Kinumpirmaran ti Department of Energy (DOE) a nakaalada kaduada ti Philippine National Oil Company (PNOC) ti nayon a suplay a 21,000 metric tons ti Liquefied Petroleum Gas.
Basar iti Department of Energy, inangkat ti nasao a suplay manipud idiay Estados Unidos ken manamnama a sumangpet ti shipment idiay Batangas iti nagbaetan ti Mayo 20 agingga 31.
Inbatad ti Department of Energy a dakkel a tulong daytoy tapno manayonan ti inventory ti pagilian.
Inpasingked ti Energy Department nga agtultuloy ti panangbirukda ti dadduma pay a pagalaan ti Liquefied Petroleum Gas tapno mapatibker ti suplay daytoy iti pagilian.
