LAOAG CITY – Inpila ti Senador Imee Marcos ti Senate Bill No. 2067 wenno gakat a gagem nga itantan ti Barangay ken Sanguniang Kabataan Elections (BSKE) manipud iti Nobiembre 2026 ket mapagbalin nga Oktubre 2027 gapu iti danag a mabalin a saan a makabutos ti naruay a Pilipino gapu iti nangina a plete gapu iti nangina a krudo.
Inpettengna no maitantan ti eleksion, agtultuloy ti serbisio dagiti opisial ti barangay, maysa a dakkel a tulong tapno matutukanda ti panangsolbar iti kasapulan ti komunindadda iti baet ti krisis.
Malaksid iti daytoy, kunana nga umabot iti P16 bilyon ti gastosen para iti Barangay ken Sanguniang Kabataan Elections basar iti Commission on Election (COMELEC), malaksid pay ti nayon a gastos iti Philippine National Police (PNP), Department of Education (DepEd) ken dagiti lokal a gobierno.
