LAOAG CITY – Inrakurak ti defense team ni Vice President Sara Duterte a saan dan a nakigtot iti nagbalin a findings ti House Committee on Justice nga addaan ti probable cause kontra kenkuana, basar iti direksiyon dagiti naglabas a panagdengngeg.
Basar iti grupo ti bise presidente, nagtalinaed ti pammati da a ti proseso ti komite ket limmiklik iti disensyo ti Konstitusyon.
Imbes a nagtalinaed iti verified complaints ken maipagarop a napalawa ti proseso kadagiti isyu a rebbeng a matratar iti maysa a full trial.
Immuna iti daytoy, nagbotos ti House Committee on Justice nga addaan ti probable cause iti impeachment complaint kontra ken ni Vice President Duterte.
Karaman kadagiti alegasyon ket ti maibagbaga a saan nga umiso a pannakabusbos ti confidential funds ti Office of the Vice President, saan a mailawlawag a kinabaknang ti bise presidente ken ti maipagarop a pangta iti biag ni Presidente Ferdinand Marcos Jr., First Lady Lisa Araneta-Marcos ken ni dati nga House Speaker Martin Romualdez.
Maipalagip a kadagiti immuna nga hearing, inpresentar ti Anti-Money Laundering Council ti report nga adda ti P6.7 bilyon a transaksiyon a saan a nagtugma iti Statement of Assets, Liabilities, and Net Worth (SALN) dagiti agasawa.
Ti findings ti probable cause ti mangitunda ti impeachment case iti plenaryo ti Kamara de representantes ken no maaprubaran ket maiyuli iti senado para iti impeachment trial.
