LAOAG CITY – Kinumpirmaran ti Overseas Workers Welfare Administration (OWWA) a 70% dagiti Pilipino a nagawid ti Pilipinas gapu iti gubat idiay Middle East ket kalikagumda latta nga agtrabaho iti ballasiw taaw.
Gapu iti daytoy, inbatad ni Overseas Workers Welfare Administration Administrator Patricia Yvonne Caunan nga agtultuloy ti upskilling-da iti repatriated Overseas Filipino Workers tapno masigurado a makastrek latta dagitoy iti trabaho iti ballasiw taaw.
Iti agdama, sumurok 8,000 a Pilipino manipud idiay Middle East ti nagawid ditoy Pilipinas.
Inlawlawag ni Caunan nga agtultuloy a makiskissayan ti bilang dagiti Pilipino iti Middle East a kalikagum nga agawid ditoy Pilipinas.
Daytoy ket gapu iti sumaysayaat a situasion iti Middle East.
Naammoan a sumurok 2,000 pay a Pilipino iti rehion ti manamnama nga agawid ditoy Pilipinas.
