Inpakaamo ni Ms. Janelyn Martin, Provincial Director ti Department of Labor and Employment (DOLE) ti pannakaimplementar ti Special Program for Employment of Students wenno SPES kadagiti nagduduma a Local Government Unit (LGU) ditoy probinsia.
Segun kenni Martin, malaksid kadagiti Local Government Unit (LGU) ket adda pay dagiti sumagmamano a private establishment ti nagkumit kadagiti agbalin a benepisiario iti Special Program for Employment of Students (SPES).
Inbatadna nga iti summer break ti panagrugi dagiti Special Program for Employment of Students (SPES) wenno iti panagtrabahoda kadagiti nagduduma nga opisina kadagiti nagduduma a Local Government Unit (LGU).
Inayonna a nangrugin iti ili ti Badoc ken sumarsaruno met dagiti dadduma pay.
