LAOAG CITY – Inpakaammo ni Mrs. Sharon Estigoy, Provincial Director ti Technical Educational and Skills Development Authority nga adda ti maipaay a libre a panagsanay iti pannakapapintas wenno pannakapagbalin a moderno ti kalesa dagiti kutsero ditoy ciudad ti Laoag.
Inbatad na a mangipaay iti Department of Social Welfare and Development (DSWD) iti pundo para iti daytoy a programa tapno mapagbalin a naan-anay a moderno dagiti amin a kalesa ditoy ciudad.
Mainaig iti daytoy, kuna ni Estigoy a maikkan ti solar panel dagiti kalesa tapno maaddaan ti mini charging station, LED light, electrician ken dadduma pay.
Kunana nga iti panagsanay dagiti kutsero ket adda pay iti allowance a manamnama a maipaay kadakuada.
Ti nasao a program ket pagbibinnuligan nga ipatungpal ti Technical Educational and Skills Development Authority, Department of Social Welfare and Development ken Department of Labor and Employment.
