LAOAG CITY – Inallukoy manen ti Department of Energy (DOE) ti publiko nga i-report ti aniaman a kaso ti hoarding iti suplay ti petrolyo.
Inbatad ni Department of Energy Secretary Sharon Garin a masansan a mapaspasamak ti hoarding iti suplay ti petrolyo tunggal adda ti oil price hike.
Kunana nga adda dagiti gasoline station nga agkedked nga aglako kadagiti produkto a petrolyo.
Inlawlawagna a masansan a ti diesel nga us-usaren dagiti Public Utility Vehicle drivers iti luganda ti iho-hoarding iti suplay tunggal adda ti oil price hike.
Gapu iti daytoy, binalakan ni Garin ti publiko a no mabalin ket iraman ti dokumento, ladawan wenno video ti isubmitir a reklamo iti Citizen’s eReport System portal iti eGov app.
