LAOAG CITY – Kinarit ni Vice President Sara Duterte da dati nga House Speaker Martin Romualdez ken dati a Cong. Elizaldy Co nga agsarita mainaig iti maanomalya a flood control projects.
Iti ambush interview idiay The Hague, The Netherlands, inbatad ni Vice President Sara a para iti pagilian ket nasken nga agsarita ti pudno da Co ken Romualdez.
Ti reaksion ni Vice President Sara ket kalpasan nga intudo ti Office of the Ombudsman da Romualdez ken Co kas mastermind iti flood control project anomalies.
