Nakasagana ti legal defense team ni Vice President Sara Duterte iti aniaman a resulta iti panagbubutos iti plenario ti Kamara iti Articles of Impeachment inton Lunes.
Segun ken Atty. Michael Poa, imonitor-da laeng ti butos iti Kamara.
Nupay kasta, inrakurakda a nakasaganada a depensaran no maipatulod iti Senado ti Articles of Impeachment kontra ken ni Bise Presidente.
Inlawlawag ni Atty. Poa nga adda pakabuklan 16 nga abogado ti legal team ni bise president ket kumpiansa daytoy a maipakita ti natibker a depensa para ken ni VP Sara.
Innayon pay ti abuado nga awan ti makitada a conflict ti kampo ni Duterte iti possible a panag-convene ti Senado kas impeachment court gapu ta ti desision ket adda ti Senado.
Kabayatanna,kinunana a nakasagana a sumango ni VP Sara no kasapulan iti impeachment court.
