LAOAG CITY – Binabalaw ni Vice President Sara Duterte ti administrasion ni Presidente Ferdinand Marcos Jr. iti panagsangona kadagiti supporters-na iti Quezon City Hall itay bigat, Setiembre 11.
Daytoy kalpasan a naitantan ita nga aldaw ti arraignment-na wenno panagbasa ti sakdal iti Quezon City Regional Trial Court iti kaso a grave threats gapu kadagiti pending a motion iti partidona.
Iti panagbitlana, kunana a saanna a kabaelan ti agtalaw wenno agulimek kabayatan ti maiparagup a makitkitana ti panagrigat dagiti Pilipino ken iti pamiliana.
Kalpasan iti daytoy, direkta a binabalawna ni Presidente Ferdinand Marcos Jr. ken inakusaranna daytoy nga ulbod ken abusado.
Inpetteng ti Bise Presidente nga awan ‘utang na loob’ ti Presidente kadagiti Pilipino a nangbotos kenkuana ke rumbeng a bumaba daytoy iti puesto.
Malaksid iti daytoy, inallukoy ni Duterte dagiti supporters nga agtultuloy ti labanda kontra kadagiti indibidual a kunana a maseknan iti panagliput ken dadduma pay nga isyu.
Kabayatanna, agtultuloy nga adda iti tengnga iti legal a proseso ni Bise Presidente iti sangsangoenna a kasona.
