LAOAG CITY – Ad-adalen ti Commission on Elections (COMELEC) ti pannakaisayangkat manen ti voter registration inton Pebrero 2027 para iti 2028 national ken local elections.
Segun ken ni Comelec chairperson George Erwin Garcia, natalantan ti poll body ti target nga iskedyul kalpasan ti registration para iti Barangay ken Sangguniang Kabataan Elections (BSKE) a maangay inton Nobyembre 2, 2026.
Ginutigotna dagiti saan pay a nakarehistro a gundawayanda ti sumaruno a registration period kangrunaanen para iti 2028 presidential ken vice presidential elections.
Segun iti Comelec, umabot iti 5,470,889 nga aplikasion ti na-prosesoda manipud nangrugi ti voter registration idi Nobiembre 20, 2025.
Malaksid kadagiti baro a botante, nakaawat met ti poll body dagiti aplikasion para iti transfer ken reactivation.
Innayon pay ni Garcia nga agtultuloy ti overseas voter registration agingga Setiembre 30, 2027, ken ginutigotna dagiti Pilpino iti abroad a masapa nga agparehistro iti babaen ti satellite ket register anywhere programs.
