LAOAG CITY – Inadmitir ni Vice Gov. Matthew Marcos Manotoc nga adda dagiti infrastructure projects ditoy probinsia a kinontrata ti Discaya.
Nupay kasta, inlawlawagna a saan nga isuda ti nangiyimplimentar no diket dagiti sabali a contractor no sadinno nga inusarda laeng ti lisensiada.
Inpasingked ni Vice Gov. Manotoc nga awan ti ghost project ditoy probinsia nupay nausar ti nagan ti Discaya.
Inbatadna a ti maigarup nga ibagbaga ti Department of Public Works and Highways ket usaren dagiti contractor ti lisensia ti Discaya uray saan nga isuda ti agipatungpal.
Innayonna a posible nga adda dagiti substandard ti pannakaaramidna ngem mabalin a manmano laeng a saan kas kadagiti dadduma a probinsia nga adda pay ti maibilang a ghost project.
