LAOAG CITY – Nangipila ni Senador Sherwin Gatchalian ti maysa a gakat a mangpadur-as iti kalidad ti edukasion ken mangpatibker kadagiti Local Universities and Colleges (LUCs).
Segun iti datos ti Second Congressional Commission on Education (EDCOM II), ngimmato ti enrollment kadagiti Local Universities and Colleges (LUCs)iti 493,000 manipud 343,000 idi 2021 agingga 2023, katukad ti 44%.
Gapu iti daytoy, inpetteng ni Gatchalian nga ti sector ti Local Universities and Colleges (LUCs) ti kaalistoan nga ngumati iti Higher Education Institutions (HEIs).
Nupay kasta, inpanagetgetna ti kasapulan a maiyataday ti Local Universities and Colleges (LUCs) kadagiti pagannurotan ti Commission on Higher Education (CHED).
Kabayatan a 101 nga Local Universities and Colleges (LUCs) ti addaan institutional recognition manipud iti CHED, 59 met kadagitoy ti saan pay a naikkan, banag a mangipakita kadagiti isiyu iti kalidad ng edukasion.
Tapno masolbar daytoy a problema, nangipila ni Gatchalian ti Senate Bill No. 623 wenno ti Local Universities and Colleges Governance Act, no sadinno nga adda ti framework para iti pannakapatakder dagiti Local Universities and Colleges (LUCs) ken masigurado a maiyataday iti pagannurotan ti Commission on Higher Education (CHED).
