LAOAG CITY – Umaboten iti nasurok a 900 ti suspected cases ti Ebola iti Democratic Republic of Congo.
Daytoy ti inbatad ni World Health Organization (WHO) Director-General Tedros Adhanom Ghebreyesus it baet ti napaigetan a surveillance efforts iti Democratic Republic of Congo.
Segun ken ni Ghebreyesus, manipod iti nasurok a 900 suspected cases, 101 ti kumpirmado a kaso.
Immunan a kinumpirmaran ti DR Congo health ministry nga addan ti 204 ti natay gapu iti viral disease a nairekord iti tallo a probinsiya ti central African country.
Ti Ebola ket maysa a makapatay a sakit a maiyakar iti babaen ti direkta a kontak iti bodily fluids ken mabalin a mangitunda ti severe bleeding ken organ failure.
