LAOAG CITY – Inbutaktak ti baro a grupo dagiti pamilia dagiti mapukpukaw a mammallot ti maipagarup a ₱1 billion a panangareglo kasukat ti panangisanud kontra iti negosiante a ni Charlie “Atong” Ang.
Intudo dagiti pamilia da Dianne Loyola, Cha Lasco ken Jaja Pilarta nga adda iti likudan ti negosasion.
Inbatad ni Ryan Bautista nga awan ti pakainaiganda iti daytoy ken isuda pay ti napabasol nga immawat ti kuarta kalpasan nga inikkat iti group chat ken naakusaran a nakitinnulag iti kampo ni Ang.
Immunan nga inadmitir ti abugado ni Ang a ni Atty. Caroline Cruz a nangipaay isuna ti sag-₱20,000 iti sumagmamano a pamilia kas tulong ngem naglikudanna a bayad daytoy tapno ibabawi ti kaso.
Kabayatanna, nagpanawan ti grupo iti Department of Justice a palawaen ti imbestigasion ken iraman iti kaso ni Julie “Dondon” Patidongan ken dagiti kabsat daytoy nga isuda Elakim ken Jose.
