LAOAG CITY – Naituding a maiyusat ti kasar ti aktres a ni Cristine Reyes ken ti non-showbiz fiancé na a ni Atty. Gio Tingson iti umuna a kwarter ti 2027.
Iti Fast Talk With Boy Abunda, inbatad ni Cristine nga addan dagiti nagboluntaryo nga agbalin a ninong ken ninang da ken ni Gio iti panagkasar da.
Inadmitir ti akres a nakaragragsak ken iti agdam ket ad-adda a kalmado ken nalawlawagen dagiti nagduduma a banag para kenkuana.
Kabayatanna, inyistorya ni Cristine a napasamak ti panag-proposed kenkuana ni Gio iti mismo a condominium unit na iti Makati City a pagnanaedan da iti anak na a ni Amarah, agtawen ti 11.
Ni Amarah ket anak ni Cristine iti dati nga asawa na a ni Ali Khatibi.
