LAOAG CITY – Inrubuat ti Department of Finance (DOF) ken Bureau of Internal Revenue (BIR) ti Taxpayer Portal para kadagiti rehistrado nga adda iti babaen ti Large Taxpayers Service iti nailian nga opisinada idiay Quezon City.
Gagem ti baro a plataporma nga aramiden nga al-alisto ken organisado ti panangimaton ti tax records ken transaksion kadagiti dadakkel a negosiante.
Iti babaen ti portal, mabalin a makita dagiti taxpayer ti registration details, masubaybayan dagiti tax return, makita dagiti bayad ken makaawat ti pammalagip manipud iti sistema.
Iti panagbitlana, inpetteng ni Finance Secretary Frederick D. Go a ti Taxpayer Portal ket mangikkat iti pannakaulaw iti panagusar ti agsisina a sistema ken mangipaay ti nalawlawag nga opinyon iti tax records.
Dinayaw ti panangidaulo ti Bureau of Internal Revenue iti panangidaulo ni Commissioner Charlito Martin R. Mendoza iti panangtungpal ti kari ti reporma ken digital transformation.
