LAOAG CITY – Nakompleton ti lineup ti Alas Pilipinas para iti 2026 AVC Women’s Cup a mangrugi intono Hunyo 6 agingga iti Hunyo 14 iti Candon City Arena idiay Ilocos Sur.
Umuna iti listaan da veteran outside hitter Alyssa Valdez ken opposite spiker Jovelyn Gonzaga.
Karaman pay iti final lineup ni opposite spiker Alyssa Solomon ken middle blocker Nina Ytang nga agpada a nag-withdraw iti Premier Volleyball League (PVL) Rookie Draft.
Nakastrek met iti listaan da Ara Galang ken Royse Tubino, kasta pay da Kyle Negrito, Tin Ubaldo, Thea Gagate, Jazlyn Ellarina, Clarisse Loresco, Kyla Atienza ken Alyssa Eroa.
Makalaban ti Alas Pilipinas iti Pool A ti Australia, Chinese-Taipei, Kyrgyzstan, South Korea ken Uzbekistan idinto nga adda met iti Pool B ti Vietnam, Kazakhstan, Iran, Indonesia, Hong Kong ken Lebanon.
Ti umuna a makalaban ti Alas Pilipinas ket ti Uzbekistan iti opening day iti oras ti alas-3 ti malem, sumaruno ti Australia intono Hunyo 7 iti oras metlaeng ti alas-3 ti malem.
