LAOAG CITY – Nangipatuloden ti imbitasyon ti Philippine National Volleyball Federation (PNVF) para kadagiti agkalikagom nga agbalin a Alas Pilipinas Women’s team a lumaban iti 2026 AVC Women’s Volleyball Cup.
Pormal nga inimbitaran ni Philippine National Volleyball Federation presdient Tonyboy Liao dagiti players ti Premier Volleyball League (PVL) UAAP ken ti NCAA.
Naituding a maiyuswat ti 2026 AVC tournament intono Hunyo 6 agingga iti Hunyo 14 idiay Candon City, Ilocos Sur.
Kadwa ti Pilipinas Pool A ti Chinese-Taipei, South Korea, Kyrgyzstan, Australia ken Uzbekistan.
Ti met Pool B ket bukbuklen ti defending champion Vietnam, Kazakhstan, Iran, Indonesia, Hong Kong ken Lebanon.
