LAOAG CITY – Nangipaay ti maysa a babai idiay Georgia ti tribute para iti paborito na a super hero babaen ti panagukkon na ti maibilang kas world’s largest collection of Wonder Woman memorabilia, nga umabot iti 1,581 items.
Inwaragawag ti Guinness World Records a ti koleksyon ti residente iti Cedartown a ni Aleshia Wiley, a pakairamanan ti comic books, Funko Pop figurines, action figures, specialty toys ken branded merchandise, ket opisyal a nagun-od na ti titulo para iti largest collection of Wonder Woman memorabilia iti intero a lubong.
Inbatad ni Wiley nga immuna a nain-love iti character ti buybuyaen na a Justice League animated series idi tawen 2000.
Innayon na a magustuwan na a ti Wonder Woman ket isimsimbolo na ti pannakaipaay ti bileg para kadagiti babbai.
