LAOAG CITY – Paayaban ti Commission on Elections (Comelec) ti campaign contributors da Senators Francis “Chiz” Escudero ken Rodante Marcoleta.
Kinumpirmaran ni Commission on Elections Chairman George Erwin Garcia a nangiyisyudan ti subpoena kadagiti campaign contributors dagiti nasao a Senador tapno makaipaay ti komento iti sangsangoenda nga isyu.
Maipalagip nga inadmitir ni Escudero a nangipaay ti P30-milyon a donasion para iti kampania ti maysa a government contractor idinto a saan met nga indeklarar ni Marcoleta iti Statement of Contributions and Expenditures (SOCE) ti campaign donors daytoy para iti May 2025 Elections.
Kuna ti poll chief, ti contributors a mapaay a mangideklarar ti donasionda ket mabalin a pagsungbaten iti babaen ti Omnibus Election Code.
