LAOAG CITY – Makikamkammayet ti Department of Health iti naiget a panagtignay ti gobierno iti lubong tapno maisalakan dagiti agtutubo kadagiti nagduduma a klase ti kinaranggas.
Iti World Health Assembly, nakikaysa ti Pilipinas ti Childlight Global Child Safety Institute, Iceland, Costa Rica ken Child Protection Network tapno bigbigen a ti violence against children ket maysa nga health crisis.
Karaman ti World Health Organization iti panawagan a paigetan ti pagannurotan iti social media gapu ta naruay nga agtutubo ti natay gapu iti online violence
Inpaganetget ti Pilipinas iti dayalogo nga awan ti pagilian ti rumbeng a makapasar ti kinaranggas iti salun-at gapu ta saan a mailinged ti epekto daytoy iti bagi ken utek iti asinoman.
Inbatad ni Sec. Ted Herbosa a napadasanna kas maysa a doktor a tamingen ti ubing a naitaray iti ospital gapu kadagiti sugat a sinagabana gapu iti panangabuso.
Kunana nga inraman ti Pilipinas iti health system daytoy ti panag-report ken panangipila ti kaso mainaig iti panangabuso.
