LAOAG CITY – Nakastreken iti quarterfinals ti Filipino tennis star a ni Alex Eala kalpasan nga inabakna ni Russia’s Alina Charaeva, 6-2, 7-5 iti Birmingham Open.
Alisto a nakontrol ni Eala ti umuna a set iti babaen ti solido a serve ken early break tapno insigida a maala ti 6-2 a panangabak iti opener.
Iti maikadua a set, ad-adda a nagbalin a risiris ti laban kalpasan a nakabirok ti tsansa ni Charaeva ken makalamang ti 5-2 ken ni Alex.
Nupay kasta, saan a nagpaatiw ni Eala ken nangipakita ti naiget a composure tapno makasubli iti ay-ayam.
In-inotna a pinukaw ti lamang ti kalaban agingga a Alanana ti nagsasaruno a puntos ken maitabla ti laban sakbay a naan-anay a linippas ti set iti 7-5.
Gapu iti panagballigi, nakastreken ni Eala iti quarterfinals no sadinno a makabinnalubalna ni Thailand’s Mananchaya Sawangkaew.
