LAOAG CITY – Ipatungpal ti Social Security System (SSS) ti maikadwa a tranche ti Pension Reform Program (PRP), a mangipaay ti nayun a pension kadagiti retirado ken dadduma pay a benepisyaryo ti ahensya.
Iti babaen ti maikadwa a tranche, makaawat ti 10 a porsiyento a nayun ti binolan a pensiyon dagiti retirement ken disability pensioners, idinto a 5 a porsiyento ti mainayun ti maawat dagiti death ken survivorship pensioners.
Gagem ti programa a matulungan dagiti pensioner a makagiddan iti panagngato ti presyo dagiti magatgatang ken dadduma pay a karit iti ekonomiya.
Segun iti Pension Reform Program, maaddaan ti tinawen a nayun ti pension tunggal Setyembre manipod 2025 agingga iti 2027.
