LAOAG CITY – Inbatad ti komedyante a ni Kakai Bautista nga agarop dua a dekadan a single wenno awan ti karelasyon.
Segun kenkuana, iti baet a nabayagen nga awan ti karelasyon na ket nagtalinaed a naragsak gapu ta nasursuro na nga ipateg ti bukod na a bagi.
Inadmitir na nga adda dagiti lallaki nga agparparikna kenkuana ngem saanna a kayat ti agdarasudos a sumrek iti maysa a relasyon.
Inlawlawag na a nagtalinaed a silulukat ti puso na para iti siasinno man ngem masapol a tingitingen ken siguradwen na nga umuna a ti lalaki a pagtalkan ken ayaten na ket saanna a dadaelen ti natalna a biagna.
