LAOAG CITY – Inbatad ni US President Donald Trump a nairaman a natay ni Hector Rusthenford Guerrero Flores, nga naamoan kas Niño Guerrero, ti leader ti Venezuelan prison gang Tren de Aragua iti military strike ti Estados Unidos.
Kinuna ti information ministry ti Venezuela a kabayatan ti operasion adda dagiti panagranget kadagiti kameng dagiti kriminal a grupo, no sadinno a ti lider ket ni Guerrero.
Kinuna ti ministry a ti operasion ket pakairamanan ti espesial a teknolohikal a suporta ken naaramid iti babaen ti panagtitinnulong ken intelligence sharing iti nagbaetan dagiti otoridad ti agpada a pagilian.
Namin-adon a daras a pinuntiria ti administrasion ni Trump ni Guerrero ken dadduma pay a lider ti organisasion a Tren de Aragua iti babaen ti sanctions gapu iti maipagarup a pannakairamanda kadagiti kriminal nga aktibidad kas iti pannakaipuslit ti maiparit a droga, human trafficking ken money laundering.
Kabayatanna, indeklarar ti State Department ti Tren de Aragua a foreign terrorist.
