LAOAG CITY – Nagsagaba ti nakana a sugat ti maysa a babai kalpasan ti panangatake kenkuana ti maysa a pating iti Sydney beach.
Inbatad ni New South Wales Ambulance Inspector Mike Corlis a timmawag ti emergency services iti Coogee Beach iti daya ti Sydney, Australia a kadakkelan a siudad no sadinno a nakagat ti agtawen ti 35 ti dakkel a pating nga addaan ti kadakkel a 30 a metro wenno 100 a kadapan.
Gapu iti daytoy, napaserraan iti maysa nga aldaw ti Coogee Beach ken dadduma pay a city’s Randwick Council area kalpasan ti insidente.
Inlawlawag ni Nicola Logan a maysa kadagiti nakakita iti napasamak a nakitana ti nalawa a paset ti baybay nga adda ti nagwaras a dara iti danum kagiddan iti panagkalikagum ti maysa nga ski paddler a tulungan ti babai.
Maipalagip nga iti napalabas a lawas ket natay ti maysa a lalaki kalpasan ti panangatake met kenkuana ti pating kabayatan nga agbanbanniit iti Western Australia state.
