LAOAG CITY – Bimmaban ken inawat ni Senador Alan Peter Cayetano a saan daytoyen a Senate President kalpasan nga immakar ni Senador Joel Villanueva ti baro a mayorya ti Senado.
Iti maysa a rakurak, kinumpirmaran ni Cayetno ti panagbabana kalpasan a nagsaritada ken ni Villanueva ken inpettengna a saanna a lappedan daytoyen.
Kunana a saan a permanente ti liderato ket bulod laeng daytoy.
Nagyaman met daytoy ken inpakaammona ti kooperasionna iti siasinno man a lehitimo a madutokan.
Iti baet ti panagbabana iti puesto, nagkari ni Cayetano nga itultuloyna nga ilaban ti kinapudno aniaman ti posisionna wenno titulo.
