LAOAG CITY – Nagbalin a nabara ti laban ti England ken Croatia iti FIFA World Cup 2026 kalpasan ti nagsasaruno a goal iti maysa a makapatengngel-anges a laban a naglippas ti 4-2 a pabor iti England.
Immuna a nakapuntos ti England iti babaen ti penalty ni Harry Kane kalpasan a naikkan ti spot-kick ni Noni Madueke.
Insigida a nagtabla ti Croatia idi naka-goal ni Martin Baturina manipud iti napigsa a tira iti kaadayo a 20 a metro.
Nakasubbot manen ti England idi naka-score ni Kane iti babaen ti header manipud iti corner ni Declan Rice, para iti 2-1.
Saan met a nagpaatiw ti Croatia ken nagtabla iti 2-2 iti babaen ken ni Petar Musa kalpasan ti naurnos a passing play.
Iti maudi a paset ti laban, insubli ti England ti lamang kalpasan a naka-goal ni Jude Bellingham para iti 3-2.
Ad-adda pay a pinatibker ti England ti panangabakda idi naka-score ni Marcus Rashford ti maikapat a goal kalpasan nga eksakto nga i-convert ti natadem nga assist ni Bukayo Saka manipud iti uneg ti 10 a metro para iti final score a 4-2.
Maysa a naiget a laban ti naimatangan dagiti fans kabayatan nga agtultuloy ti kampania ti England iti World Cup 2026.
