LAOAG CITY – Inlawlawag ni Senador Cristopher “Bong” Go a saan a nagbalin a karaman ti pammilin idi Duterte administration ti panangipatungpal ti operasion ti kameng ti pulisia.
Mainaig daytoy iti damag a maipagarup nga adda ti inparuk-at nga arrest warrant ti Internatioal Criminal Court (ICC) kontra kenkuana.
Maipalagip nga iti kallabes ket dinakamat ni Davao City Representative Paolo Duterte iti social media post-na nga adda iti reliable source-na nga adda ti inparuk-at ti Internatioal Criminal Court warrants kontra ken ni Go ken ti 2 a dati a pulis.
Kabayatanna, naglikudan met ti Philippine Natonal Police, chief General Jose Melencio Nartatez Jr., Interior Secretary Jonvic Remulla ken ni National Bureau of Investigation Director Melvin Matibag nga awan pay ti abiso manipud iti ICC mainaig iti nasao a warrant.
Immunan a kinumpirmaran ti Internatioal Crminal Court ti pannakaiparuk-at ti arrest warrant kontra ken ni Senador Ronald “Bato” Dela Rosa ngem inpetteng ni Senador Antonio Trillanes IV a posible a mangiparuk-atda pay ti sabali nga arrest warrant kontra ken ni Go a maipagarup a co-conspirator daytoy mainaig iti kaso a crimes against humanity kontra ken ni dati a Presidente Rodrigo Duterte.
