LAOAG CITY – Nagpanawagan ni Senador Robinhood Padilla nga ikkan ti gundaway ti ilunglungalongna a gakat a maamendaran ti Juvenile Justice and Welfare Act.
Daytoy ket mainaig iti shooting incident iti San Jose National High School idiay Tacloban City a nakatayan ti uppat ken nakasugatan ti dadduma pay nga estudiante no sadinno a dua a menor de edad ti suspek.
Inlawlawagna a nasken a maipababa iti tawen a 10 manipud iti tawen a 15 ti minimum age of criminal responsibility gapu kadagiti nakaro a krimen a pakairamramanan dagiti agtutubo.
Dinakamat ti Senador a ti Europa nga addaan kadagiti opisina ti UN-Human Rights ket inkeddengna ti tawen a 10 ti age of criminal responsibility isut gapuna a kalikagumna a tuladen ti best practices iti sabali a pagilian.
Kunana nga umad-adu ti bilang dagiti mairamraman iti panag-hold up, panagrames ken iti pammaltog.
